റിയാദ്: സൗദിയില് വനിതകള്ക്കുള്ള ഡ്രൈവിങ് ലൈസന്സ് ലഭിച്ച ആദ്യ ഇന്ത്യക്കാരിയെന്ന നേട്ടത്തിന് ഉടമയായത് മലയാളി നഴ്സ്. പത്തനംതിട്ട കുമ്പഴ പുതുപ്പറമ്പില് മാത്യു. ടി. തോമസിന്റെ ഭാര്യ സാറാമ്മ തോമസാണ് ഈ നേട്ടത്തിന് അര്ഹയായത്. ഇക്കഴിഞ്ഞ ജൂണ് 28നാണ് സാറാമ്മയ്ക്ക് ലൈസന്സ് ലഭിച്ചത്. ഒന്പത് വര്ഷമായി സൗദി ദമാം ജുബൈല് കിങ് അബ്ദുള് അസീസ് നേവല് ബേസ് മിലിട്ടറി ആശുപത്രിയില് നഴ്സായി സേവനം അനുഷ്ഠിച്ചുവരികയാണ് സാറാമ്മ.
ജൂണ് 24നാണ് സൗദിയില് വനിതകളുടെ ഡ്രൈവിങ് വിലക്കിന് അന്ത്യം കുറിച്ചത്. കാലങ്ങളായി പല കോണുകളില് നിന്നും ആവശ്യമുയര്ന്ന തീരുമാനമാണ് ജൂണ് 24ന് സൗദി യഥാര്ത്ഥ്യമാക്കിയത്. അദ്ധ്യാപികമാരുടെ വാഹനങ്ങള്, സ്ത്രീകളുള്ള ടാക്സികള്, പെണ്കുട്ടികളുടെ സ്കൂള് ബസുകള് തുടങ്ങിയവ ഓടിക്കുന്നതിന് വനിതകള്ക്ക് രാജ്യം അനുമതി നല്കിയിട്ടുണ്ട്. ഇതോടെ സൗദിയില് കാര് റെന്റല് സര്വീസുകള് നടത്താനും വനിതകള്ക്ക് സാധിക്കും.
സൗദി രാജാവ് സല്മാന് 2017 സെപ്തംബര് 27ന് ഇറക്കിയ രാജകല്പനയിലൂടെയാണ് വനിതകള്ക്ക് വാഹനമോടിക്കാനുള്ള അനുമതി നല്കുന്ന ചരിത്ര തീരുമാനം പ്രഖ്യാപിച്ചത്. രാജ്യത്ത് നിലവില് വനിതകള്ക്ക് ഡ്രൈവിങ്ങില് പരിശീലനം നല്കുന്ന അഞ്ച് കേന്ദ്രങ്ങളാണുള്ളത്. വിദേശത്ത് നിന്നും ഡ്രൈവിങ് ലൈസന്സ് നേടിയ സൗദി വനിതകളാണ് ഇവിടെ അദ്ധ്യാപികമാരായി ജോലി ചെയുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
